കഴുത്തിനു ചുറ്റുമുള്ള കറുപ്പ് നിറത്തിന് ഒരു ഒറ്റമൂലി

മുഖത്തിന് നൽകുന്ന പരിചരണം പലപ്പോഴും കഴുത്തിന് നൽകാൻ നമ്മൾ മറന്നുപോകാറുണ്ട്. അതുകൊണ്ടുതന്നെ, കഴുത്തിന് ചുറ്റും കറുപ്പ് നിറം വരുന്നത് ഇന്ന് പലരുടെയും ഒരു സൗന്ദര്യപ്രശ്നമാണ്. സൂര്യരശ്മി ഏൽക്കുന്നത്, ഹോർമോൺ വ്യതിയാനങ്ങൾ, അമിതവണ്ണം, ഇൻസുലിൻ പ്രതിരോധം തുടങ്ങിയ പല കാരണങ്ങൾകൊണ്ടും കഴുത്തിനു ചുറ്റും ഇത്തരത്തൽ നിറ വ്യത്യാസം ഉണ്ടായേക്കാം. ഈ കറുത്ത പാടുകൾ ആത്മവിശ്വാസത്തെ ബാധിക്കുമ്പോൾ, എളുപ്പത്തിൽ വീട്ടിലിരുന്ന് ചെയ്യാവുന്ന ചില പരിഹാരങ്ങൾ തേടുന്നതാണ് ഉചിതം. അതിന് അടുക്കളയിലുള്ള ചില ചേരുവകൾ ഉപയോഗിക്കാം. 

Also Read: രാവിലെയോ രാത്രിയോ, ഫെയ്സ്പാക്ക് ഉപയോഗിക്കാൻ അനുയോജ്യമായ സമയം ഏതാണ്?

ചേരുവകൾ

• ഷാമ്പൂ - 1 ടീസ്പൂൺ
• ബേക്കിംഗ് സോഡ - ½ ടീസ്പൂൺ
• നാരങ്ങാനീര് - 1 ടീസ്പൂൺ
• ടൂത്ത് പേസ്റ്റ് - ½ ടീസ്പൂൺ

തയ്യാറാക്കുന്ന വിധം

അര ടീസ്പൂൺ ബേക്കിംഗ് സോഡയിലേയ്ക്ക് ഒരു ടീസ്പൂൺ നാരങ്ങ നീര് ചേർക്കാം. ഒപ്പം അര ടീസ്പൂൺ ടൂത്ത് പേസ്റ്റ്, ഒരു ടീസ്പൂൺ ഷാമ്പൂ എന്നിവ ചേർത്തിളക്കി യോജിപ്പിക്കാം. 

Also Read: ഫേഷ്യൽ ഗ്ലോ നേടാൻ പാർലറിൽ പോകേണ്ട, ഉറങ്ങുന്നതിനു മുമ്പ് ഇത് പുരട്ടൂ

ഉപയോഗിക്കേണ്ട വിധം

കഴുത്തിനു ചുറ്റും തയ്യാറാക്കിയ മിശ്രിതം പുരട്ടി 3 മുതൽ 5 മിനിറ്റ് വരെ മൃദുവായി മസാജ് ചെയ്യാം. 10 മിനിറ്റിനു ശേഷം തണുത്ത വെള്ളത്തിൽ കഴുകി കളയാം. 

View this post on Instagram

A post shared by KHUSHI (@pihuofficials.yt)

ഗുണങ്ങൾ

• ഷാമ്പൂ ചർമ്മത്തിന്റെ ഉപരിതലത്തിലെ എണ്ണയും അഴുക്കും നീക്കം ചെയ്യും.
• ബേക്കിംഗ് സോഡ ഒരു പ്രകൃതിദത്ത സ്‌ക്രബ്ബറായി പ്രവർത്തിക്കുകയും മങ്ങിയ ചർമ്മം നീക്കം ചെയ്യുകയും ചെയ്യും.
• നാരങ്ങാനീരിൽ വിറ്റാമിൻ സി ധാരാളം അടങ്ങിയിട്ടുണ്ട്, ഇത് കറുത്ത പാടുകൾ കുറയ്ക്കുകയും ചർമ്മത്തിന് തിളക്കം നൽകുകയും ചെയ്യും.
• ടൂത്ത് പേസ്റ്റ് നിങ്ങളുടെ ചർമ്മത്തെ തണുപ്പിക്കുകയും ബാക്ടീരിയ അണുബാധ തടയുകയും ചെയ്യും.

Also Read: ഇൻസ്റ്റൻ്റ് ഗ്ലോ നേടാൻ ഇനി ഒരു സ്പൂൺ കടലമാവ് മതി, ഇങ്ങനെ ഉപയോഗിച്ചു നോക്കൂ

ഇക്കാര്യങ്ങൾ ശ്രദ്ധിക്കാം

കഴുത്തിൽ നേരിട്ട് പുരട്ടുന്നതിനു മുമ്പ് ഇത് പാച്ച് ടെസ്റ്റ് ചെയ്തു നോക്കാൻ മറക്കരുത്. കൈമുട്ടിലോ ചെവിക്കു പുറകിലോ ഇത് പുരട്ടി അലർജിയോ മറ്റ് അസ്വസ്ഥതകളോ ഇല്ലെന്ന് ഉറപ്പാക്കാം. എന്തെങ്കിലും തരത്തിലുള്ള സംശയങ്ങൾക്ക് ഒരു ഡെർമറ്റോളജിസ്റ്റിൻ്റെ അഭിപ്രായം തേടാൻ മറക്കരുത്. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായിപ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More: കുളിക്കുമ്പോൾ ദിവസവും ഇത് ഉപയോഗിക്കൂ, ഇനി ചർമ്മ പ്രശ്നങ്ങൾക്ക് മറ്റൊരു പരിഹാരം തേടേണ്ട